বিশ্বজিৎ সিংহ
![](http://chped.net/https/upload.wikimedia.org/wikipedia/bpy/thumb/5/50/Biswajit.jpg/250px-Biswajit.jpg)
বিশ্বজিৎ সিংহ বিষ্ণুপ্রিয়া মণিপুরী কাব্য জগতে নিয়াম পরিচিত নাঙ আহান। বিংশ শতাব্দির '৮০ দশকে, ত্রিপুরা চে পত্রিকাৎ আত্মপ্রকাশ করেসিল প্রতাপ সিংহ উপনাঙে 'এবাকা' বুলিয়া কবিতা আহার মাধ্যমে। পিছে পিছে 'নুয়া এলা' পত্রিকাৎ বিশ্বজিৎ সিংহর নাঙে বারো প্রতাপ সিংহর নাঙে শাতসিল।
গিরকর আদি গরগো বাংলাদেশর ভানুগাছ গরগনার ঘোড়ামারা গাঙে। পিসে বাপকর কর্মজীবন ত্রিপুরার কৈলাসহরে বদল অনায় অপেই স্থায়ী অয়া বসবাস করলা। গিরকর বনক শ্রীমতি সংগীতা সিনহা নাঙজাদা মণিপুরী নৃত্যশিল্পী আগো।
গিরকর কবিতাৎ মার্কসবাদী গৎ উগো পাঠকরে বিবুলা করিয়া বিপ্লবী জগৎ আহানাত নেরগা। ব্যাধি নুয়ারাউলির লগে ওতঃপ্রোত সম্পর্ক থায়াউ চিকিৎসক ডাঃ বিশ্বজিৎ সিংহ বিষ্ণুপ্রিয়া মণিপুরী কাব্য সাধনা জিংতা করিয়া থসে নিজস্ব কব্যিক ব্যঞ্জনা, রুপক, জমক বারো আশাবাদী হপনলো।
একমাত্র প্রকাশিত কাব্যগ্রন্থহান - "ইশ্বর মাঙসে মেইথঙে" ।