বিষ্ণুপ্রিয়া মণিপুরী শহীদ দিবস
বিষ্ণুপ্রিয়া মণিপুরী ঠারর শহীদ দিবস ১৬ মার্চ।
আসামর বরাক উপত্যকাত বিষ্ণুপ্রিয়া মণিপুরীর দীর্ঘ ভাষা আন্দোলনর ইতিহাসে ১৬ই মার্চ ষ্মরনীয় দিন আহান। ১৯৫৫ সালেত্ত দলিয়া চলিয়া আহের আন্দোলন এহার ধারাবাহিকতাত ঠারর আন্দোলনে লালফামি উতাই বরাক উপত্যকাত ১৯৯৬ মারির মার্চ মাসে ৫০১ ঘন্টার রেলপথ-রাজপথ অবরোধ কর্মসূচী ঘোষনা করলা। ১৬ই মার্চ আসামর পাথারকান্দির কলকলিঘাট রেলষ্টেশনে লালফামি উতার মিছিল আহানাৎ ভারতর পুলিশে গুল্লি কাপকরলে সুদেষ্ণা সিংহ গিথানক শহীদ অসিলি।
![](http://chped.net/https/upload.wikimedia.org/wikipedia/commons/thumb/3/3c/Sudeshnar-shahidbedi.jpg/250px-Sudeshnar-shahidbedi.jpg)
সুদেষ্ণা সিংহ পৃথিবীর পয়লাকার আদিবাসী এবং দ্বিতীয় বেয়াপাগো যেগোই ইমার ঠাররকা নিজর জীবনহান উৎসর্গ করিয়া গেছেগা।
তেই মারি ১৯৯৬ত ভারতর অসম রাজ্যেত বিষ্ণুপ্রিয়া মণিপুরী ঠারর স্বীকৃতির লালফামে শহীদ ইসিলি।
বিষ্ণুপ্রিয়া মণিপুরী ঠার অতারতারা মানুর কাজে ১৬ মার্চ অহান স্মরণীয় দিন আহান।
ঔদিন শহীদ সুদেষ্ণা সিংহর নিঙে নানান জাতর আলোচনা সভা বারো কুমেই পালন করানি অর।